Ahlisunna Waljamaaca Sufi Network - Bannaan baxyo waa weyn oo lagu soo dhaweynayo Mawliidka Nabga (SCW) ayaa maanta Maamulka Ahlu-sunna Wal-jamaaca ee Goballada dhexe ka dhigey Dhammaan Degaannada hoostaga Maamulka Ahlu-sunna

Bannaan baxyo waa weyn oo lagu soo dhaweynayo Mawliidka Nabga (SCW) ayaa maanta Maamulka Ahlu-sunna Wal-jamaaca ee Goballada dhexe ka dhigey Dhammaan Degaannada hoostaga Maamulka Ahlu-sunna Wal-jaamaca Sidee ayaa maantay looga Baan baxay Magaalada Gaalkacyo ee Gobolka Mudug

16 02 2010

Shucuubta ku nool dhammaan deegannada hoostaga Maamulka Ahlu-sunna Wal-jamaaca ayaa maanta isugu soo baxay Magaalooyinka kala duwan ee hoostaga Maamulka Culimada Ahlu-sunna Wal-jamaaca ee Goballada dhexe.

Deegaannada Dhuusamareeb, Guriceel, Caabudwaaq, Xeraale, Cadaado, Galkacyo, Balanbal, Dhabbad, Gelinsoor iyo dhamman Tuulooyinka kale ee hoostaga Maamulka Culimada Ahlu-sunna Wal-jamaaca ayaa waxaa ka dhacay isu-soo baxyo waa weyn oo ay ka qayb-qaateen in ka badan 100000 oo qof o isugu jira Culima-aw-diin, Odayaal, Aqoon-yahan, Indheer-garad, Ardey iyo Haween kuwaas oo isugu soo baxay Fagaare-yaasha Magaalooyinka kala duwan ee Goballada dhexe oo dhan.

Wariye-yaasha Radio Mustaqiim ayaa maanta goob-joog ka ahaa inta badan goobaha ay ka dhacayeen Isu-soo baxayda ka dhacayey Magaaloyinka kala duwan ee Goballada dhexe.

Waxaa inoo suuro gashay in aan wareysanno Culimada Maamulka Ahlu-sunna Wal-jamaaca u qaabilsan Qaban-qabada Mawliidka iyo abaabulidda isu-soo baxyadaas lagu abaabulayey soo dhaweynta Mawliidka Nabiga (SCW).

Ugu horreynba waxaan wareysannay Sh. Cismaan Xalaf oo ah madaxa u qaabilsan Maamulka Culimada Ahlu-sunna wal-jamaaca qaban-qaabada Mawliidka (SCW) ee Magaalada Guriceel. Wuxuu Shiikhu aad uga warramay isu-soo bixii weynaa ee Maanta ay Shacab Weynaha Guriceel ay isugu soo-baxeen Fagaare-yaasha Magaalada Guriceel.

Wuxuu Shiikhu sheegey in ay isu-soo baxaas uu ujeedkiisu ahaa in la soo dhaweeyo lana weyneeyo Mawlidka Nabiga (SCW) iyadoo ay ka qayb-qaateen dhamman Ummadda ku nool Magaalada Guriceel. Waxaa maanta la fasaxay dhammaan Goobaha Wax-barashada iyadoo Goobaha Ganacsigana ay wada xirnaayeen.

Waresiga Shiikh Cismaan Xalaf oo dhammaystiran halkaan ka dhegeyso.

Sidoo wale waxaan wareysannay Shiikh Cali Xaashi Faarax oo isna ah qaban-qabiyaha Mawliidka Nabiga (SCW) u qaabilsan Magaalada dhuusamareeb isagoo Shiikhu aad uga warramay sidii uu maanta u dhacay bannan-baxyadii Mawliidka Nabiga (SCW).

Wareysiga Shiikha oo arrimo badan taabanaya halkaan ka dhegeyso isagoo dhammaystiran.

Sidoo kale waxaa maanta isna Radio Mustaqiim u warramay Shiih Cali Gurey oo ah qaban-qaabiyaha Mawliidka Nabiga (SCW) ee magaalada Caabudwaaq, wuxu Shiikhu si hufan uga warramay sidii uu maanta u dhacay isu-soo bixii ka dhacay Magaalada Caabudwaaq ee lagu soo dhaweynayey Mawliidka Nabiga (SCW).

Wareysiga Shiikh Cali Gure oo dhammaystiran halkaan ka dhageyso.

Isu-soo baxyadaan ayaa waxay ka dheceen sidoo kale Magalooyinka Galkacyo iyo Cadaado, waxay kaloo ka dheceen Magaalooyinka Gelinsoor, Dhabbad, waxay kaloo ka dheceen Tuulooyinka iyo dhammaan deegaannada hoostaga Maamulka Culimada Ahlu-sunna Wal-jamaaca.

Wixii wara ee ku soo kordha arrimaha Mawliidka Nabiga kala soco Webka iyo Raadiyaha Mustaqiim.

Xafiiska War-qabadka Ee Mustaqiim
Goballada Dhexe,
E-mail: mustaqiimcom@hotmail.com

Xuska Dhalashada Nabiga SCW