Waxaanna halkan ku soo qaadanaynaa tacliiqa qaybtiisii saddexaad , oo aan ku qaadaa dhigeyno su'aal la waydiiyey wadaadkan oo ahayd :

Culammaa'udiinku waa didaalaan , haddana waxaa ka hor  yimaada dad dano siyaasadeed leh , oo magac  islaamiya ku ganbanaya ; marka qof islaamkii sheeganaya haddana qaab qaldan ku dhaqmaya  maxay shariicadu ka qabtaa?

Cumar Faaruq wuxuu su'aashan uga jawaabay sida tan:

Qofkaas Ilaahay ha ka baqo , ha tawbad keeno , diinta ha ilaaliyo , danta ummadda ha ilaaliyo , dawladdan jirtana ha maqlo , khilaafkana ha layska ilaaliyo , nabadna wax ha lagu doono.

Jawaabtan waxaa la yaabay dhammaan dadkii dhegaysanayey , waayo waxaa wadaadka la weydiiyey mas'alo Axkaam ah , oo ah waxa diiintu ka qabto shabaabka iyo Xisbiga Xasan Daahir waxa ay samaynayaan ee ah , dilalka muslimiinta , dad gawraca , dhagax ku dilidda jeebkooda ah , iyo xad gudubyada la midka ah ee ay haddana ku sheegayaan ku dhaqanka shariicada Islaamka.

Waxaa la is weydiiyey suura gal ma tahay in arrimahan riddada ah , diin ka baxa ah , naxariis darrada ah , Muslim ceebayska ah , Qullaadnimada khawaarijnimada ah ; ee ay samaynayan shabaabka iyo camiiliintooda , ma looga jawaabi karaa sida uu Cumar faaruq uga jawaabay ee ah :

" Qofkaas Ilaahay ha ka baqo , ha tawbad keeno , diinta ha ilaaliyo , danta ummadda ha ilaaliyo , dawladdan jirtan ha maqlo , khilaafkana ha layska ilaaliyo , nabadna wax ha lagu doono ".

Tan labaad sow wadaaadka wahaabiayada ee cumar Faaruq ma oga in Shabaabku gaalnima iyo Murtadnima u yaqaaniin hadalkan uu sheegay ee ah "  Dawladdan jirtan ha la maqlo " iyo hadalkiisii aan ku soo sheegnay qaybihii hore ee uu yiri ha la adeeco Dawladda uu shariifku ka dhaxlay dhiggiisii C/llaahi Yuusuf .

Su'aasha kale ee la is weydiinayo ayaa ah : Maxay shabaabku u shaaci waayeen in sheekhoodii Cumar Faaruq uu riddoobay , uuna ka baxay diinta Islaamka ; sidii ay horey ugu riddaysiiyeen dadkii ku hadlay hadallada la mid ah kuwa uu cumar faaruq ku hadlay ? mise  wuxu waa gacantaa ku garoorsi!!

Innaa Lillaah!! Gaalaysiintii shabaabku ma waxay noqotay : "Gurbaan ama gacantaada ha kuugu jiro ama gacalkaa ha kuu haayo !!? mar haddii Gaalaysiintu ay ku jirto gacanta shabaabka , Cumar Faaruq waa gacal oo waa looga fuutiyey!!.

Iftihii cumar faruq uu ku dhihi jirey ha lagu Jihaado wixii khilaafa xarakaadka Islaamiga!!  Ma laga dhaafay shabaabka oo iyagana wuu u fuutiyey?, oo sidaas ayey wahaabiaydu isaga fuutiyeen gaalaysiintii iyo ku jihaadistii ay ku xukumi jireen soomaalida aan wahaabiayda ahayn.   

Subxaanallaaah!!! soomaali Allaa u maqan ;

Waxaana xaqiiqa ah in nasiib darro u soo hoyatay shacabka Soomaaliyeed , mar haddii diintoodii ay u aamineen , wadaaddada wahaabiyada oo ah kooxo caqiiddadoodu ku dhisantahay rabitaankooda iyo marba sida ay ka dhex arkaan danahooda gaarka ah.

                 info@ahlusunna.org

                 ahlusunna.org